حبيت انزل مسجات من القصائد المغناه اللي غناها مبدعنا راشد الماجد

بوسة من عندك حبيبي
تسوى عندي الدنيا كلها
يا ضوى عيوني وحياتي
قلبي اقدملك هدية



لا تتردد في غرامي لالا
ابتسامي دمع وسكوتي كلامي
افتح ايدينك لشمسي ولهبوبي
كحل عيونك بدمعي وبشحوبي
واعشق الهم الي فيني
هذا ان كانك تبيني



وحشتيني وجيت اسأل
وأظن اني على بالك على بالك
عسى ما شر عسى ما شر ما تسأل
وش الي غير أحولك أحوالك
رغم بعدك وتقصيرك
ورغم انك معي قاطع
تزعلني وأجي لرضاك
واحبك وأرضى بالواقع



الكون بك ناير
والشوق بك طاير
خلك معي لا تروح
عن قلبي الحاير
لا جيتني افرح
واحكي معك واسرح
يلي الهوا انت
وديرتي وداري
عيدك ترا عيدي
الليلة يا سيدي
انسى الهموم واعيش
حط ايدك بايدي
روحي ترا فدوة
لعيونك الحلوة
اسهر معاي الليل
وافدي لها بناري



سمعني حبيبي الصوت
وسيّرني على كيفك
كلامك فيه نشوة روح
يحرك فيني الوجدان
يعطيني أمل مفتوح
في لقياك مهما كان
ساعة يختفي صوتك
أعيش بعالم النسيان
لا تقطع علي الصوت
أنا ما أقدر على الحرمان



الله لنا لا صار الاحباب ناسين
والله لنا لا صار عافوا هوانا
ياما بهالدنيا تجافوا محبين
لا شك ما ننسى هوا من نسانا
حنا على عهد الهوا دوم وافيين
ولا نبدل ودهم بالخيانة
ولا نضيع بهم عواذل وواشين
ولا بعشرتهم بننسى وفانا
غالين لو عنا يتغلون غالين
ولا غيرهم يسوى الغلا والمكانة
ما أدري هواهم حاضر أو مكفين
والله لنا لا صار عافوا هوانا



وجودك عندي بالدنيا يا غالي
ورسمك ساكن بقلبي وخيالي
ولا غيرك حبيبي
أبيك وما أبيهم
ولا غيرك سكن قلبي وعيني
ترا مهما بعادك عني طوّل
بصبر لجلك أنت وأتحمل
وترجعلي حبيبي



منك العذر لو كنت زعلان
آمر وأنا لك قلت لبيك
يا كل ناسي وأجمل انسان
كل العمر يا زين أفديك



أمي يا نوري ويا سنا كل البلاد
يا شمعة تضوي بهالعمر دربي
حبك جنا مزروع في وسط الفواد
يجري بدمي وموطنه صار قلبي
لا خير في شعري إذا في جما جاد
شعرٍ يعبر عن ودادي وحبي



لالا تغرك بسمتي في فراقي
ترى لعينك صابر بس مشتاق
العود في ناره يزيد احتراقي
والطيب الي شبه بطيبته راق
ليت الليالي كل بوها تلاقي
وليت الوخذ ما يعرف شلون الفراق



والله أنا مشتاق يا صاحب الحيل
للقلب عين وأنت للعين معزي
يا مجرح القمرة بسود مظاليل
الدم يجري في عروقي وتجري
أنا الصحاري وأنت معشوقها السيل
يضيع في وصفك كلامي وشعري
أشبهك بالريم وأوصفك بالخيل



على كيفك يجي كيفي أنا لك رهن ما تأشر
بغيتك تطلب عيوني وأشوف بمطلبك عفه
تدلل يا نظر عيني حشا ما أقول غير إبشر
رهنت العمر في حبك ولو يلقى معك حذفه
أنا يا حبي الصافي معك في الخير أو في الشر
وهبتك قلبي الوافي في ليلة حبنا زفه
تزين بقربك أيامي ولا غيرك معك يخسر
إذا حب العرب كفٍ وحبك راجح بكفه
حلفت الحب ما يرخص ولا عن سرنا بنشر
بسافر في بحر حبك الين أرسي على ضفة



أنت تآمر يالغلا أشر
يا سفر هالكون وأضوائي
بر أو ردني أبحر
لأجل عينك صرت برمائي



ليه أنا الحين ما أقسى
كانك أنت نسيت
عمري ما راح أنسى
هذا قلبي واسهلا
كم عذاب تحمّله
لكن أنت رحت وخنته
وجاي تسأل عليه



كيف أتحمل زماني
جرب احساسك عشاني
قول والباقي علينا
صدق حبيتك يا غالي
واسهر عشانك ليالي
كيف انسى ذامحالي
ومالعواذل ما علينا



آه يا عمري عليك
كل شي يعجبني فيك
لو تغيب شوية عني
أنا يا عمري أجيك
أنت كل عمري فداك
والزمن كله معاك
أنت ما خيبت ظني
والوفا كله وفاك



أحس إني وسط ليلٍ طويل ناسي فجره
أعيش بظلمته وأسرح بأفكاري إلى المجهول
أفكر وانتظر صبح جميل الباسم وعطره
وتصدمني هواجيسي ولا ألقى لهمي حلول
أنا مليت وإحساسي معك أرهف من الشعرة
وألوم القلب لكنه يعاند وأنت المسؤول
أريد أبكي على قلبي وتتركني أنا العبرة
وأحس بدمعتي الحرة على محجر عيونك جول
تبي تنزل وأعاتبها تقول أش فيك مغترة
وأقول الصبر يا دمعة أنا إنتي نخوف يول
أنا يا ليل وش ذنبي تصبرني على القمرة
وتجبرني على همومك أعايشها بعرض وطول
أهوجس وأحسب نجومك وقلبي الجمرة
وأضيع حسبتي وفكري على باب الوصل مشغول
أنا يا صبح أترقب طلوعك والأمل بكرة
أريد أتكحل بنورك وليلي ينجلي ويزول
حقيقة أو سراب أنتي أنا ماأدري وش الفكرة
أنا صبري بدا ينفذ وأخاف أنك أمل مقتول
أريد تعيد لي وقتي وقتي تغيب وشمسه وفجره
أريد أعرف أنا منهو أريد تفسر المجهول



لك نزيد الحب في العام الجديد
لك قلوب تنبض بحب وسلام
أطلب المعهود في حسنك يزيد
لك مديد العمر عام بعد عام



يا نور عيني ما دام العين بك تنضر
حرام تبخل على خلك بنظراتك
ما شفت كيف القمر عقب الظلام أنور
بالضبط نفس الشعور إن شفت بسماتك
إن كان في خاطرك حاجة علي ابشر
والله لسوق العمر كله لمرضاتك
ما تدري إنك إذا اتكدرت أنا اتكدر
وأفرح لجل فرحتك وأشره لشرهاتك



سألتك بالذي حطك على راس المحبة تاج
تحبني ولا تتسلى باحاسيسي ووجداني
وتحتاج لغلا قلي مثل ما لك انا احتاج
أو إني بعد ما فارق حدود الشوف تنساني
حبيبي عايش بحيرة وأقلب صفحة الأبراج
وضعت بعدل ميزانك وصمت وظلم ميزاني



تعال أ صير لك شاطي إذا حزنك يصير أمواج
تعال وخذ فرح قلبي إذا قلبك بدا يعاني
حرام نعيش في دنيا الخجل والصمت والإحراج
واحبك كلمة علسانك وملت تسكن لساني